Edi Rama e ka ndarë mendjen; ai do të ndërhyjë formalisht edhe në Kushtetutën e Shqipërisë, me qëllimin e vetëm që t'a dizanjojë atë sipas nevojave të tij. Është e panevojshme të jepen argumente ligjore se ky është një akt i pashembullt antidemokratik, sa kohë që Edi Rama nuk përfaqëson askënd, përveçse interesat e Krimit të Organizuar. Në të vertetë, ai nuk përfaqëson më as Partinë Socialiste, parti e cila u absorvua nga Rilindja, një organizëm diabolik ky, ku janë shkrirë në një mafia, politika e përfaqësuar nga Edi Rama dhe biznesi kriminal i një dyzine individësh.
Ajo çka do të ndodhë në ditët dhe muajt që do të vijnë, kam frikë se do të konfirmojë pikë për pikë këtë skenar:
30 Korrik - Edi Rama e ndryshon formalisht Kushtetutën e Shqipërisë. Ambasadorët do të reagojnë sipas parimit "as mish, as peshk", por do të bëjnë thirrje opozitës që të ruajë qetësinë, të mos kryej akte dhune.
Opozita e Bashkuar nuk do të reagojë ashpër, sepse nën zë ka marrë mbështetjen e ndërkombëtarëve. Nga njëra anë opozita e di shumë mirë se rruga e vetme është reagimi i fortë, por për botën e ftohtë të ambasadorëve kjo është një rrugë e papranueshme. Si përherë, opozita do të pranojë t'i nënshtrohet realitetit brutal, pa qenë në gjendje të ngrihet mbi vetveten.
Kështu do të kalojë vjeshta dhe do të hyjmë në një dimër të ashpër, ndoshta në periudhën më të zezë politike dhe ekonomike që prej vitit 1990 e deri më sot. Nuk do të ngrihet Gjykata Kushtetuese, nuk do të ngrihet Gjykata e Lartë, por ndërkohë, Dosjet 339 dhe 184 të krimit elektoral do të kenë marrë rrugën e "zgjidhjes". Shenjat u dhanë sot nga SPAK.
OFL ndërkohë ka kryer të gjithë inventarizimin e pasurive të Krimit të Organizuar, duke u ofruar mundësi praktike bashkëpunimi në zgjedhjet e ardhshme. Informacione të dorës së parë konfirmojnë se marrëveshje interesante po ratifikohen në të gjitha qytetet krysore të Shqipërisë. Shkodra, Vlora, Durrësi dhe Elbasani dhe Tirana tashmë mund të cilësohen si zona të sigurta ku marrëveshjet ose janë mbyllur, ose janë në fazën finale.
Metoda të reja vjedhjeje dhe mashtrimi zgjedhor, të pahasura më parë, po hartohen nga strategët e Edi Ramës. Mjetet janë po ato, por forma do të jetë më interesante; brutaliteti do të zëvëndësohet nga procedura, që do të thotë, se Opozita e Bashkuar do të humbasë zgjedhjet në tavolinë. 6 deri 8 mandate të sigurta Opozita do t'i humbasë vetëm nga ndalimi i koalicioneve parazgjedhor.
Përmbledhtas, mekanizmat kryesorë i vjedhjes do të jenë të njëjtët, por ndryshimin do ta bëjnë kalendrat greke të ndryshimeve në Kodin Zgjedhor, ingranazhet e të cilit do të jenë mekanizmi më perfekt në duart e mjeshtrit Edi Rama për të tjetërsuar vullnetin e shqiptarëve. Ky njeri ka dhënë prova të mjaftueshme se mendja e tij djallëzore punon vetëm për keq.
Ajo çfarë i pret shqiptarët është më e zezë se nata. Kurrë më parë nuk ka qenë më keq. As në vitin 1990 ose në vitin 1997. At'kohë, në rastin e parë po shembej një regjim gjakatarë, ndërsa në rastin e dytë ndërhyri ushtarakisht faktori ndërkombëtarë. Ndërsa sivjet ne gjendemi në mes të askundit, me një keqbërës mafioz në krye të shtetit, pa asnjë mekanizëm real për t'a ndalur.
Kemi vetëm shpirtin tonë dhe dy duar.
Shpresoj shumë se do të dijmë t'i përdorim, edhe shpirtin, edhe duart.
Për fëmijët tanë, për vendin tonë.
Comments
Post a Comment