Një prej shërbimeve që preferohet më shumë dhe që ka një kosto shumë të lartë është edhe shërbimi i lavanderisë. Mjafton të shikosh tri tenderat e fundit të shpallur nga spitale të ndryshme dhe e kupton “rëndësinë” e këtij shërbimi.
Tenderi i parë është ai i Spitalit Rajonal të Durrësit. I shpallur me 17 janar me objekt kontrate “ Furnizim i Shërbimit të Lavanterisë për Spitalin Rajonal Durrës” me një fond limit prej 1 miliard lekësh. Fituesi i këtij do ta kryejw këtë shërbim në këtë spital për një periudhë 30 mujore.
Tenderi i dytë i përket Qendrës Spitalore Elbasan. Ky tender është bërë publik në ditët e fundit të vitit kaluar dhe është mbyllur me 29 janar, ndërsa akoma nuk është shpallur fituesi. Edhe ky tender me objekt kontratë “ Shërbimi i Lavanterisë dhe hotelerisë”, ka një fond limit prej 1.1 miliard lekësh. Fituesi i këtij tenderi do ta kryej këtë shërbim për 48 muaj.
Tenderi i tretë, por jo i fundit nga rëndësia është ai i Spitalit “ Koço Gliozheni”. Ky tender është bërë publik me 16 dhjetor 2019 dhe do të mbyllet me 20 shkurt. Ashtu si dy të parët, objektin e kanë të njëjtë, vetëm se ky ndryshon për nga shifrat. Fondi limit i tij është 2.4 miliardë, pra pothuajse sa totali i shumës së dy tendera të mësipërm. Kompania fituese do t’i ofrojë shërbimet për 48 muaj.
Por po t’i mbledhësh bashkë kapin shifrën e çmendur prej 4.5 miliard lekë. Pra vetëm për një shërbim lavanterie shteti ynë do të harxhojë këto shifra stratosferike, kur shumë thjesht me këtë buxhet mund të rregullonte të gjitha kushtet e spitalave që duhet të thënë, se disa prej tyre janë në gjendje të mjerueshme.
Ajo që mbetet për t’u parë është se kush do të jenë fituesit e këtyre tenderave.
JOQ ALBANIA
Comments
Post a Comment