Në kuadër të masave të marra për përballimin e situatës së krijuar nga koronavirusi në vendin tonë, ka nisur dezinfektimi i ambjenteve publike në të gjithë vendin.
Edhe Bashkia e Matiti ka nisur punën për dezinfektimin e institucioneve arsimore, si ambjente të frekuentuara nga nga shumë individ. Puna ka nisur që mëngjesin e kësaj të marteje me dezinfektimin e ambjenteve të çerdheve e më pas ambjentet kopshteve.
Specialistët e fushës përkatëse kanë bërë spërkatjen e këtyre ambjenteve me dezinfektantë dhe do të ndiqen rregullat e posatshme për vijimësinë. Po ashtu, puna do të vijojë edhe në institucionet e tjera arsimore në të gjithë Bashkinë e Matit.
Ndërkohë, sa i përket procesit mësimor, Ministria e Arsimit, Sportit dhe Rinisë ka nxjerrë udhëzimet përkatëse se si duhet të koordinohen mësuesit, nxënësit dhe prindërit për të zhvilluar mësimin nga shtëpia. Sipas këtij udhëzimi do të jenë drejtoritë e shkollave ata të cilat do të koordinojnë procesin, në mënyrë që ai të mos ndërpritet.
Mat
Comments
Post a Comment